关于ZAKER 合作 加入

姚子羚龚嘉欣证姊妹情不变 钟镇涛新片劲催泪 杨政龙未婚妻现身

HKChannel 08-22

今日快报

返学喇!身兼多职关心妍拖实囡囡返幼儿园

歌手关心妍(Jade)虽然正忙于内地巡唱,但宝贝女杨荣心(心心)开学,做妈妈的当然几辛苦都亲自送返学!现年 3 岁的心心,穿上整齐校服衬蝴蝶结波鞋,和妈妈拖手拖返位于铜锣湾的幼儿园,见心心和妈咪 say bye 后,就乖乖步入校园,表现超淡定。Jade 接受电话访问时表示:「感恩心心独立性好高,佢好锺意返学,之前佢读学前班就黐身啲要陪佢上几日堂,但之后可以自己返学,完全唔喊、唔扭计,我都有教佢如果有同学仔喊,就去揽吓人哋安慰吓人哋啦!」

问囡囡返学前可有做足准备?她说:「佢高咗,帮佢买鞋同校服,今次冇之前返学前班咁紧张,依家佢返下午班,不过出年就返全日制,依家等佢可以瞓晏啲。」问可有安排囡囡返兴趣班,她指心心现时有学画画,觉得囡囡有音乐天分:「唱歌唔系五音不全,所以由我教唱歌同弹琴,发觉佢好锺意中文字,3 岁大已经识『医院』同『学校』呢啲生字,我谂住迟啲再送个女去学芭蕾舞。」

Jade 除忙凑女又要顾及「妍亮生命慈善基金」,是否一日 24 小时也不够用?她说:「周一至周五要凑女返学,之后又要赶返音乐治疗学院,周五、周六就返内地做巡演,周日因为工人姐姐放假,所以要全日照顾囡囡!(咁咪冇假放?)我老爷、奶奶好好,周六帮我照顾囡囡,我可以同老公二人世界,虽然日日都忙,但我个音乐治疗中心帮到人,所以好乐意去做。」

同杨政龙几时结婚?黄子菲现身:生咗先决定

英皇集团主席杨受成儿子杨政龙的网红女友黄子菲(Ava)早前宣布快将成为妈妈,Ava 出席活动时,穿着 tee 及半截裙,已见肚的她,只透露超过 3 个月身孕,重了约 5 磅,现在 103 磅,预产期在明年。

对 BB 的性别,则守口如瓶,只有双方父母知道,她说:「3 个月时好辛苦,依家好好多,之前作呕但呕唔出,食嘢真系冇乜胃口,好奇怪,以前唔锺意食意粉,突然会食意粉同 pizza!(佗仔定女?)冇讲畀人知,只有屋企爹哋妈咪知,朋友都唔知!(朋友唔知咁送咩畀你哋?)送 BB 床囉,我哋将会 list 啲嘢出嚟,唔会撞,又可以买少啲嘢!(粉红色定粉蓝色?)呢个唔讲!(几时结婚?)生咗 BB 先再决定!(婚纱相到时先影?)系,依家咁肥!(影大肚写真?)可能过几个月后,等肚大啲,会同 BB 爹哋一齐影。」本身做网红的她,称减少了拍片,但投资了五位数租用商场的格仔铺售卖所代理的产品,当中亦有 BB 衫。

钟镇涛新片劲催泪车婉婉邓丽欣喊住叫好

由钟镇涛主演的电影《花椒之味》成为本年度夏日电影节选出的唯一「本地姜」代表,之后十二月会于香港正式上映,此片由许鞍华监制、麦曦茵执导,日前举行放映会,艺人苏丽珊、邓丽欣、周文健、胡子彤、余香凝、袁澧林、关宝慧、车婉婉等都有到场欣赏,邓丽欣看后表示此片非常感人,触动了她的心,是一部久违了如此入心的电影,而苏丽珊则指戏中有很多共鸣的地方,有笑位、有感动位。而车婉婉谓 :「喊死人!很开心香港有这部电影,能拍出很多人的感受。」

姚子羚送礼证姊妹情不变龚嘉欣识做即戴

艺人龚嘉欣早前传出同好姊妹姚子羚反面,有传子羚因不满有人不停「出卖」其恋爱史,是非当人情,故决定疏远对方,令二人多年友情破裂。虽然随后二人否认传闻,不过唔少网民都话佢哋系互动少咗,而呢日嘉欣喺网上晒出一张骚香肩独照,但个焦点莫过于系佢只耳环,皆因系子羚送嘅礼物,佢仲话:「最好朋友送上最好礼物 @姚子羚 elaine 」而子羚亦有留言大赞佢戴得好靓,网民仲话佢以最好朋友形容子羚,似乎想以行动打破不和传闻,力证姊妹情不变!

往期内容

↓↓↓添加Miss.K 个人号↓↓↓

欢迎勾搭

转载授权微信:lama129

商务 QQ:1900556960

香港娱乐八卦

尽在HKChannel

你在看吗?