关于ZAKER 合作 加入

窦唯前妻同王菲前夫罕见聚会 雯雯张致恒分工凑 B 宣萱爱犬离世

HKChannel 08-21

今日快报

玩足 3 日 2 夜文颂娴搞豪华 P 贺囡囡生日

艺人文颂娴成婚后育有一位千金,囡囡 Jamie 啱啱踏入七岁,作为妈咪梗系要搞个 Party 庆祝吓,呢次仲玩够三日两夜够晒豪华大型!

生日会喺酒店举行,文颂娴一班姊妹好似汤盈盈、姚乐怡、周家蔚、姚莹莹同锺丽淇仲带埋小朋友一齐同 Jamie 庆祝,除咗切蛋糕呢个指定动作之外,大人仲细心安排咗唔同嘅游戏畀小朋友放电,水上活动、充气滑梯、砌恐龙模型同吊索真系应有尽有,一众小朋友玩得开心之余,文颂娴仲童心爆发,喺个彩虹马帐篷不停影相留念。而 Jamie 愈大愈似妈咪,相信大个咗都会系靓女一名。

宣萱爱犬离世:没选择地只能接受

艺人宣萱一向系爱狗之人,更经常呼吁大家领养中年狗只,又指唔会训练狗仔学任何指令,只希望佢哋开心、食得饱、瞓得好,有个安乐窝。今日宣萱喺微博发文透露其中一只爱犬不幸离世:「我亲爱的 Moon 昨晚突然离开了我们。没选择地只能接受。心很痛。Moon 在世时永远都在我身旁,相信永远都会。念。 Love you & miss you always.」网友知道噩耗后都大表心痛,仲安慰宣萱话 Moon 会化成天使,一直守护喺佢身边!

同张致恒分工凑 B 雯雯负责喂奶

艺人张致恒(Steven)未婚妻雯雯,连日嚟不断喺社交网「发功」为 Steven 护航,继寻日发文指会同 Steven 努力咁行落去,今日佢就首度上载一家三口嘅合照,相中见雯雯同 Steven 带咗囝囝外出呼吸新鲜空气,两公婆分工合作,一个抱住囝囝,另一个就帮手抹扞,画面相当温馨。雯雯留言:「Simple life(简单的生活)。」似乎已经看淡外界嘅言论。另外,佢又晒出一张喂囝囝饮奶嘅照片,留言:「人成长了,经历的生活都不同了。」

窦唯前妻高原同王菲前夫李亚鹏罕见聚会

最近王菲前夫窦唯前妻高原上载一张同王菲前夫李亚鹏嘅聚会照,然后留言话:「北京最美的季节,和朋友们相聚」其实系一张好平常嘅照片,之但系网民就觉得背后关系好复杂,王菲同窦唯当年系天后同才子结婚,仲生埋女儿窦靖童,可惜婚姻只系维持 3 年就结束,之后窦唯再婚高原,又生咗个女儿,不过呢段感情都冇维持好长时间,与窦唯离婚的王菲再嫁畀李亚鹏,两人婚后生咗女女李嫣,可惜最后都离婚收场,而王菲近年就情归谢霆锋,睇咗咁耐,关系真系好复杂吓,仲难过新年应该点样称呼啲亲戚好,难怪连网友都大叹「娱乐圈好乱」、「娱乐圈就是一个圈」。

其实高原喺北京系非常有名气嘅摄影师,拍低好多经典嘅作品,而佢取材都系嚟自中国流行音乐,都算系半个娱乐圈人,所以佢识李亚鹏都唔奇。

往期内容

↓↓↓添加Miss.K 个人号↓↓↓

欢迎勾搭

转载授权微信:lama129

商务 QQ:1900556960

香港娱乐八卦

尽在HKChannel

你在看吗?

相关标签 航空香农航班