关于ZAKER 融媒体解决方案 合作 加入

曾志伟醉到不省人事 谭俊彦爆拍《包青天》惨况 熊黛林小鸟依人为老公庆生

HKChannel 08-19

今日快报

艺人宋熙年(Sarah)早前宣布跟随老公陈智燊(Jason)嘅步伐,离开无线,实行夫唱妇随同心向外闯。不过工作之余,佢哋都好识抽时间好好维系夫妻关系,呢日 Sarah 就分享咗同 Jason 一齐做双人瑜伽嘅相,见到 Sarah 大骚小蛮腰,两公婆仲好合拍添!佢用英文留言表示:「双人瑜伽显然可以加强任何一种关系入面嘅沟通同亲密度 ...... 但对我哋嚟讲,我哋首先系要操 Fit 我哋嘅核心肌肉同平衡能力!」搞笑地幽自己一默!网友都叫佢哋好好加油,齐齐努力练习,仲大赞佢哋好 Sweet 呀!

《爱.回家》成员惊喜现身庆祝送水辉生日

艺人许家杰(Jack)在处境剧《爱.回家之开心速递》中饰演「送水辉」,角色大受欢迎,特别是与大小姐(林淑敏饰)发展成为一对后,成为电视迷非常喜欢的荧幕情侣。

Jack 日前 36 岁生日,一众粉丝为他举办生日会庆祝,Jack 说:「今年大家好有心帮我搞生日会,真系好开心!其实今年系我入行十周年日子,今次小小叙会亦系我咁多年来嘅第一次搞粉丝叙会,所以别具意义。」Jack 表示平时跟粉丝的见面时间都只限于公开活动,今次真正可以近距离倾偈,感觉特别温暖:「我逐一答佢哋嘅问题,亦听好多大家对《爱.回家》嘅意见,最搞笑系同佢哋一齐去重演剧情,玩得好开心!」

当日,Jack 好拍档林淑敏惊喜现身,令一众粉丝都非常开心,淑敏更与同剧演员郑世豪、陈伟琪和阮政峰一齐到贺,「细龙生」世豪和「细龙太」陈伟琪捧住蛋糕现身,世豪更主动向 Jack 献吻,认真「好兄弟」!Jack 说:「其实我安排淑敏嚟,原本想畀班粉丝一个惊喜,但冇谂过佢叫晒咁多艺人朋友一齐嚟,我真系超级惊喜,有种受宠若惊嘅感觉,多谢大家都好锡我,我希望将来可以继续努力,无论《爱.回家》或者其他剧都拍出更好嘅作品,亦想生命影响生命,向粉丝发放正能量。」

实似样!张振朗搵姪仔演童年角色

张振朗早前于社交平台分享一个小男孩的照片并祝其生日快乐,振朗称这男孩是他最锡的姪仔:「佢好得人锡,我有两个姪仔,呢个系大嗰个,佢好黐我,一见到我就揽实,又叫叔叔!(好冧?)系,因为佢肥嘟嘟,家人觉得佢个样好似我,所以佢曾经拍过无线剧《机场特警》,监制话佢好似我,所以安排佢做我剧中童年,(做埋演员兼系你御用童年角色?)佢锺意咪畀佢试吓,等佢练大啲个胆,接触吓呢个世界,佢曾经拍过一场喊戏好有感染力,监制大赞!」

向前看!雯雯抱仔晒母爱张致恒极速畀 Like

被封为「新一代世纪贱男」嘅艺人张致恒被爆一脚踏 N 船后,寻日旧爱梁皓恩(April)终于蒲头首度发声,答谢大家及报平安,依家连 April 都公开露面并为事件开腔,相信今次桃色风波都可以告一段落。而成功「以一敌四」嘅未婚妻雯雯持续发功,昨日就喺社交网上载一张抱仔相,相中佢一脸慈母样望住囝囝甜笑,散发住母爱光环。佢仲以英文留言表示:「我知道这个事实和真相已经足够了。现在最重要的是坚强并继续前进。」而 Steven 亦极速畀 Like!

撇甩孖女!熊黛林小鸟依人为老公庆生

名模熊黛林(Lynn)与老公郭可颂于 2016 年结婚,去年 Lynn 诞下一对孖女 Kaylor 同 Lyvia,一家四口幸福满泻。日前系郭可颂生日大日子,佢哋撇甩两个女,同一班好友食饭庆祝生日。郭可颂其后喺社交网晒出当晚庆生相,相中两公婆坐喺正中间,而 Lynn 则身穿简朴白色 T-Shirt,小鸟依人地依靠喺老公身边,十分甜蜜!

艺人谭俊彦(Shaun)在剧集《包青天再起风云》中演绎跟过去有所不同的包公,既会谈情又有打戏,Shaun 直言拍此剧非常辛苦,拍古装本来就较辛苦,此剧更要出埠拍外景,舟军劳顿加上动作戏甚多,绝对是体力考验,Shaun 说:「体力上呢套剧真系最辛苦,每朝三点半开始化妆,我要化两个几钟,而嗰位化妆师当年系同我阿爸化嘅,已经系老人家,其实大家都好攰,记得有次有件搞笑事,佢同我黐头套,黐完发觉点解咁紧呢?原来系张彦博嘅!佢见到个彦字就帮我黐,证明大家都好眼瞓!而去新疆拍嘢每程都要坐四个钟头车,记得最后一日喺峡谷终于杀青,我哋几个忍唔住大叫 15 分钟,大嗌『终于拍完喇』!真系一次好难忘嘅回忆。」

谭咏麟庆生饭局曾志伟醉到不省人事

乐坛校长谭咏麟(阿伦)本月 23 号 69 岁生日,圈中人缘甚广嘅佢,当然有唔少庆生饭局啦!阿伦喺社交网上载一班好友为佢庆生照,当中有曾志伟、彭健新、锺镇涛同顾纪筠等人,齐齐为佢预祝生日,佢哋仲送上经典游戏角色 Mario 嘅蛋糕畀阿伦,有咁多人同自己庆祝,难怪阿伦笑得咁开心啦!而向来每逢饭局必醉嘅志伟,呢个饭局都唔例外,见到佢已经醉到不省人事,要朋友揽住照顾,阿伦仲搞笑话:「有吃喝就梗有这种场面……谁可相依!」

往期内容

↓↓↓添加Miss.K 个人号↓↓↓

欢迎勾搭

转载授权微信:lama129

商务 QQ:1900556960

香港娱乐八卦

尽在HKChannel

你在看吗?

以上内容由"HKChannel"上传发布 查看原文

觉得文章不错,微信扫描分享好友

扫码分享