关于ZAKER 融媒体解决方案 合作 加入

“港姐之母”离世 香港名模始祖病逝 胡杏儿夺温哥华华语电影节影后

HKChannel 08-18

今日快报

执番条命!卫诗雅全身敏感红肿唔睇医生

艺人卫诗雅突然出现敏感征状,她于社交网站留言指自己 " 执番条命 "。事后她接受电话访问表示:" 寻晚凌晨时份,手脚突然红肿,我以为自己摸到啲唔知乜嘢,后嚟耳仔、鼻咀、眼睛都开始红肿兼痕痒,所以我就攞冰敷吓佢,谂住如果一阵瞓得着就冇事,点知之后醒咗,呼吸开始有困难,觉得自己喉咙收窄咗,同父母讲完都谂紧系咪要去医院嘞,但我全身冇乜力,所以就喺床等咗一阵,直至凌晨五点几啲敏感开始退,个人就冇乜事喇。"

昨天她致电相熟的医生朋友,又影相传给对方:" 佢话我前一晚应该要入院,因为咁样会随时休克,仲叮嘱我如果下次系咁就要去睇医生,因为要知道系因乜事而敏感。依家我都搵紧朋友问,想去医院做吓测试。今次都系我第一次遇到咁,吓亲自己呀。"

小春鸡首张学生相!黎诺懿囝囝 Gel 头好靓仔

艺人黎诺懿同前港姐李洁莹(Nicole)婚后育有囝囝黎峰睿(小春鸡),依家两岁几嘅小春鸡已准备就绪返学,黎诺懿喺社交网上载一张小春鸡嘅学生相,见小春鸡 Gel 晒头,仲笑得好开心同可爱,似乎对于返学相当期待:" 峰峰第一张学生相。" 连庄思明都忍唔住留言:" 咁靓仔想点先?"

送水辉 36 岁生日有大小姐陪:永远都系型嘅

剧集《爱.回家之开心速递》嘅 " 送水辉 " 许家杰寻日 36 岁生日,呢日佢喺社交网上载张切蛋糕嘅相,指人愈大愈觉得生日唔重要:" 又大一岁,今年生日愿望好简单:个个都身体健康,平安喜乐。其实人愈大,愈觉得生日不重要,因为还有很多很多的事要去学、要去做。学习每日感恩、每日努力是最重要的。"

而 " 大小姐 " 林淑敏则出卖对方,高抄佢瞓觉相,仲喺佢面前举起 V 字手势,祝佢似足主题乐园景点咁受欢迎,她说:" 高空俯瞰,送水辉永远都系型嘅!特别系忙之中午睡更型!Happy birthday 辉辉!祝你好似主题乐园入面嘅热门景点一样,永远咁受欢迎!"

胡杏儿夺温哥华华语电影节影后

由胡杏儿、郭羡妮演出的电影《朝花夕拾.芳华绝代 - 拾芳》,于昨晚加拿大 " 第七届温哥华华语电影节(7th Vancouver Chinese Film Festival)" 共获四个大奖,电影除获 " 最佳粤语片奖 " 外,胡杏儿亦获 " 最佳女主角 "、郭羡妮获 " 新鋭人气奖 " 和高志森、梁柏豪获 " 年度最佳导演奖 "。胡杏儿回复称:" 刚收到呢个消息,好开心,可惜去唔到现场参与,因为要留喺香港凑仔!其实拍呢套戏时都冇谂过获任何奖项,有得参与已经好开心,海外观众睇到,已觉得好荣幸,今次获得奖项好感恩,多谢导演搵我演呢个角色,自己好崇拜梅姐,冇谂过自己演艺生涯中,可以跟梅姐有个咁近距离嘅合作,亦多谢歌迷会嘅支持!"

香港名模始祖刘娟娟病逝享年 75 岁

形象及美术指导张学润昨晚在社交网,上载香港名模始祖刘娟娟的旧照,说刘娟娟已逝世。他留言:" 一路好走 Ellen(刘娟娟女士)!当年的名模、本港形像顾问始祖、一手带我入行为我打开了第一道门的恩师!这张 1990 年拍于巴黎街头的照片,幸好我一直藏着。"

张学润接受电话访问时,指看见著名设计师文丽贤的脸书才得知亚姐形象总监刘娟娟病逝,享年 75 岁。他说:" 真系伤心到想喊,娟娟早年长居上海,两、三年前,我去上海做舞台剧见过娟娟,当时佢冇乜异样,我哋仲相约再食饭。(娟娟有咩病?)唔清楚,只知佢系今个月离世。"

又指娟娟是他的师傅,他说:" 系娟娟带我入行嘅,嗰时我刚刚喺加拿大读完设计返香港,透过朋友认识咗娟娟,1989 年佢系亚姐形象总监,佢介绍我做形象设计师,我视佢为师傅。"

模特儿出身的刘娟娟,在香港模界占一席位,曾冲出香港为不少国际品牌走秀,也开办过模特儿学校,并曾为港姐及亚姐担任过形象顾问,她更曾提名女星夏文汐参选港姐。身为刘娟娟好友之一的时装设计师邓达智,日前在专栏文章透露,称收到 " 不幸消息 ",指从来拒验身的刘娟娟,在数月前已感不适,入院检验后得知患有癌症,又指她饱受剧痛。

" 港姐之母 " 陈紫莲离世

" 港姐之母 " 陈紫莲(Rosa)昨天因癌病离世,终年 71 岁。有指数月前她曾与旧同事见面,当时已消瘦不少,而她一个月前身体出现问题,至昨天在一个旧同事群组流出其过身消息。据知她很迟才发现自己患子宫颈癌,发现后已做数次化疗,可是最后一次化疗因顶唔顺而没有做。

1996 年港姐冠军李珊珊在社交平台留言:" 我…接受不到这个消息。"1997 年港姐冠军翁嘉穗已证实其死讯,她在 FB 留言:" 人生去到了尽头没有什(甚)么是放不下的,你已经去到一个更开心的地方,RIP,永远记住你!"

1997 年港姐季军佘诗曼表示:" 我都系十日前知佢有病,当时我仲话拍完套大陆剧就返嚟探佢、陪吓佢,当年我选港姐入行已认识她,当时乜都唔识,佢系我亦师亦友,自己都跟佢学咗好多。"

前无线外事部总监曾醒明直言得知好友去世十分难过,心情难以平复:" 我哋一班旧同事、港姐都好唔舍得佢!Rosa 退休后都冇再工作,有做慧妍顾问同旅行享受生活,都知佢近年有病,作为朋友我哋有不停鼓励佢,佢个人都好乐观。" 他表示 Rosa 没有结婚,离世时有胞姐胞妹陪走最后一程,他又代表 Rosa 家人答谢外间的问候:" 佢走得好安详,至于后事会同慧妍商量后再公布。"

Rosa 服务无线 40 年,于上世纪 70 年代起一直尽力照顾各届港姐,作风严谨,注重佳丽言行举止及形象,处事公正,俨如家长,一直被为 " 港姐之母 ",在一众港姐心目中地位超然,其后更担任慧妍雅集名誉顾问。

Rosa 于 2008 年举荣休宴,当时朱玲玲、陈法蓉、张嘉儿、曹敏莉与杨思琦都有到场,陈法蓉感激 Rosa 无私照料,两人亦师亦友,曹敏莉则指来港参选时没有家人在旁,多得 Rosa 心理辅导。

R.I.P.

往期内容

↓↓↓添加Miss.K 个人号↓↓↓

欢迎勾搭

转载授权微信:lama129

商务 QQ:1900556960

香港娱乐八卦

尽在HKChannel

你在看吗?

以上内容由"HKChannel"上传发布 查看原文

觉得文章不错,微信扫描分享好友

扫码分享