关于ZAKER 智慧云 合作 加入

祥嫂长眠永祥苑 梁舜燕丧礼 9 月 5 日举行 郑嘉颖庆生马国明又做电灯泡

HKChannel 08-16

今日快报

悭得就悭!李旻芳孭起未婚夫 Cheap 拍婚照

无线《东张西望》主持李旻芳早前宣布封盘,与男友黄耀英结束 6 年爱情长跑,将于 11 月 5 日举行婚礼,由于筹备婚礼时间紧迫,故二人已加快进度,早前便被东网拍得睇金器及试低胸婚纱,期间一对新人更情到浓时双双起舞,非常甜蜜。

日前二人便动身拍摄婚纱照,可能是婚礼已花掉不少积蓄,所以李旻芳甘愿放弃出埠取景,改为留港消费,更省却一切花巧布置,仅选址一个全白色场地作为拍摄主景,再加上少许花的装饰配合,就连服饰也坚持一套到尾,非常简朴。

廿四孝老公黄耀英当然乖乖接旨,拍摄时与老婆交足功课,既有佻皮扮咬太太鼻哥,二人亦有情深依偎,当然唔少得冧爆咀嘴,影得兴起之际,李旻芳更 " 反串 " 孭住黄耀英,非常有趣。

李旻芳直言起初没想过拍摄婚纱照,她说:" 我净系想简简单单留到结婚当日先执 Snapshot,不过每次同身边朋友讲,佢哋都话一定要影,话影咗到时唔锺意先算,唔影就惊会后悔,所以最后说服咗自己。" 更指因不太喜欢公式化婚纱照,认为取景点及拍得靓与否非重点,反而能够捕捉他们内心交流最为重要:" 所以我哋都冇咩花巧,每人都系得一套衫,喺香港租个全白色嘅场地,乜都无,简简单单,但影嘅过程都好开心,所有嘢都比预期中好,连花艺师整嘅所有装饰摆设都好啱心水!摄影师又完全捕捉到我哋嘅交流!效果好唯美,好满意!"

其实不少星二代都是尖子,艺人郭可盈上月带同女儿林天若(津津)举家去东京旅行,昨日她在网上分享喜讯,原来津津学业成绩突出,获得奖状嘉许及有奖学金,她上载女儿上台领奖的相片,并留言:" 话咁快就放完暑假了,感受到你对小四新学年那份兴奋又期待的心情。回顾去年度获得 scholarship 等的各种奖项,真是很大的鼓励。" 她希望津津继续保持正面及良好的学习态度,不论学习或玩乐,都要认真。不少网民大赞津津厉害,又指郭可盈教导有方。

歌手王菀之(Ivana)接受电台访问,讲到正忙于排练舞台剧,今次是她首度主办单位兼任监制,是人生第一次,所以,由上年 11 月开始好忙好攰,但感觉好好玩。她谓:" 今次系一次好难得机会申请到演艺学院档期,请到前辈吴镇宇合作,好多人问点解会搵镇宇前辈,就因为当时啱啱睇完佢一部电影,根住就有呢个档期,当然唔系嗰刻先想同前辈合作舞台剧,而系之前唔敢谂啫。" 因镇宇有演出舞台剧经验,她称当时就请一个舞台剧的导演去邀请他:" 嗰时未谂做咩剧,但有期,就搵咗个演员先,之后先再搵啱佢嘅剧本。" 最搞笑是镇宇回覆导演朋友说:" 唔好搞我啦,做舞台剧要放好多时间落去,除非系音乐剧啦。" 当时她得知镇宇想演是 " 音乐剧 " 都忍不住大呼:" 吓!" 她笑谓:" 原来其实镇宇前辈只是一句悔气笑话,我就当真,搵晒剧本,咁镇宇前辈就话既然讲咗就要做。"

艺人胡定欣拍过唔少动作场面,身手自然有番咁上下,不过再劲嘅高手都有受损时候!呢日佢喺社交网 Po 咗条片,内容系喺新疆拍紧《包青天再起风云》嘅情况,佢骑住骆驼跳落地,个动作其实好简单,地下仲要铺咗软垫,睇落成件事都应该会好轻松完成,点知佢喺骆驼背上英气转身落地时,嗌咗一声:" 唉呀!" 就挞咗落地,跟住就话 " 拗柴 ",不过佢嘅语气好平静,好似唔系自己受伤咁样,唔知系咪身经百战面对过太多伤患,先至可以有咁潇洒嘅态度!

而胡定欣亦上载咗另一条片,佢留言话人生第一次骑骆驼,当只骆驼慢慢企起身时,佢吓到大叫,估唔到可以轻松面对拗柴嘅佢,竟然骑骆驼时会惊惊!

艺人唐诗咏同杨洛婷一个拍剧一个做主持,睇落冇乜交杂大缆都扯唔埋,但系佢哋竟然系好姊妹仲会一齐去旅行,究竟佢哋系点认识变 Friend?呢日佢哋分别喺社交网上载去台湾玩嘅相,齐齐着住浴袍喺张床到揽揽锡锡,佢哋仲话今次经历咗地震、打风同航班取消,但系都无损佢哋嘅心情。

唐诗咏留言解释佢哋点解会做到好朋友:" 同年佢系香港小姐,我刚刚拍完《四叶草》,风马牛不相及的两个人,一齐主持一个旅游节目,佢中文唔识多个(但要做主持),两个星期去咗五个地方,食咗好多奇怪有趣嘅昆虫,唔知点解佢好锺意食,我们经历了很多但也不及这一次,十几年后终于再去旅行仲要系悠长假期,仲要人生第一次经历地震,我哋每次相遇都有啲奇怪事发生!" 而杨洛婷就留言话今次系佢哋相识 15 年嘅纪念之旅,所以要专登拣番当年拍节目嘅地点缅怀吓,仲话好多谢唐诗咏一直喺身边鼓励佢要做得好啲。

艺人郑嘉颖同陈凯琳早两日先庆祝完结婚一周年,转个头寻日(15 日)又到郑嘉颖 50 岁生日,今次佢哋就冇拣到二人世界,反而系同《铁马寻桥》一班好兄妹齐齐贺寿,林子善、黄嘉乐同马国明都有现身,唯一女将唐诗咏就因去咗旅行离港冇到,仲有林子善太太同黄嘉乐摄影师女友 Samantha,加埋陈凯琳,三 Pair 人个个揽住另一半合照,点知就变相得番马国明自己一个孤零零,认真惨情。

本身合照都冇咩嘢,话晒生日嘅郑嘉颖先系重点,可惜网友就个个都错晒 Fo,猛笑马国明系超大 Watt 数嘅电灯胆,个个留言嗌唐诗咏下次记得出席,如果唔系马国明真系好阴公……再唔系,马国明下次带个新女友嚟 Gathering 都好啵~

" 慈善伶王 " 新马师曾(邓永祥)遗孀洪金梅(祥嫂)于 7 月 2 日因肺癌离世,享年 74 岁。丧礼亦已于上月 11 号完成,并依照祥嫂遗愿进行火化。邓兆尊、兆荣、翠玉(前称小艾)及碧玉今日齐返永祥苑,为母亲进行下葬仪式。今晨十时许,翠玉驾车抵达永祥苑,见到有记者在门外守候,入屋后再跟佣人步出派饮品给记者。问到今天回永祥苑是否为母亲搞下葬仪式,翠玉表示:" 系。" 再问到可否入屋影仪式?她则谓:" 唔系咁方便,始终都系私事。"

兆尊、兆荣及碧玉亦陆续回到永祥苑,待众人安顿好后,兆尊及翠玉步出接受访问,兆尊指今日是将母亲的骨灰龛安放在永祥苑花园,一个有花花草草的地方,无特别仪式,只是由殡葬人员协助下完成。至于祥嫂生前遗愿葬于荔枝树下,兆尊则表示:" 因为搵人睇过位置唔好,所以会喺原有荔枝树旁边再种一棵,之后再将骨灰移番落去。"

资深艺人梁舜燕(Lily 姐)于本月 13 日因身体机能衰竭离世,享年 90 岁。离世时,亲人全部陪伴在侧,遗容安详。而她的丧礼亦已订于 9 月 5 日在世界殡仪馆举行,翌日出殡。梁舜燕生前为虔诚的天主教徒,故丧礼仪式会遵从她的意愿以天主教形式进行。

往期内容

↓↓↓添加Miss.K 个人号↓↓↓

欢迎勾搭

转载授权微信:lama129

商务 QQ:1900556960

香港娱乐八卦

尽在HKChannel

你在看吗?

觉得文章不错,微信扫描分享好友

扫码分享