关于ZAKER 融媒体解决方案 合作 加入

娱乐圈姐妹团组队撑容祖儿 任达华自曝伤后肥一磅 许靖韵洪卓立演唱会延期

HKChannel 08-15

今日快报

行到边食到边韦家雄孖老婆日本自驾游

去年底与「银行之花」邓楚雅(Keynes)结婚的韦家雄,过着二人世界,锡老婆的他更常凼爱妻,好似早前他与 Keynes,联同两对夫妇,齐齐到日本旅游,三 Pair 人够晒热闹,为咗享受无拘无束嘅自由,佢哋特别租车玩「自驾游」,韦家雄称租车周围去:「我哋一共去咗七日,食嘢为主,去富士山、东京咁啦,揸住架车,去到边食到边,好爽!」

年纪大变灰姑娘张文慈酒局玩唔夜

正放假的张文慈(Pinky)自嘲近日「无事忙」,故争取机会与老友叙旧「还债」,日前她先相约骆达华及谢君豪等,再约「亚视之友」尹天照及李润祺等把酒谈心,事后李润祺将「开心照」上载至社交网站分享,并留言:「永远是最开心,无所不谈。」

与谢君豪及尹天照之约,Pinky 坦言背后意义重大:「我哋仲倾埋下次计划,因为之前合作拍咗套福音电影《奇迹 13》,虽然仲做紧后期,但已经有计划再下一城,我哋连电影名都改好,暂时叫《逆天行者》。」她又打趣自嘲体力大不如前:「依家我系灰姑娘,唔玩得太夜,即使带咗酒出嚟分享,最终大家都清唔晒,要攞返屋企『择日重赛』,我好开心人生中有呢班倾得埋嘅异性老友!」

琴棋书画样样精!梁洛郗夺澳门小姐冠军

《澳门小姐竞选 2019》总决赛前晚举行,经过多个比赛环节的综合评分,候选佳丽与主持及评审妙语对答,还有她们施展琴棋书画、功夫、舞蹈等才艺。最终 5 号佳丽梁洛郗赢得冠军 , 兼夺最上镜小姐及友谊小姐三大奖项;亚军则由 4 号佳丽邱国晴夺得,9 号佳丽黄蓉夺得季军。香港乐队 Dear Jane 担任表演嘉宾,令现场更添气氛,同场更有澳门歌手竜世杰、陈慧敏、祖丝等献唱。

马浚伟公布十月演唱会嘉宾

艺人马浚伟近日到旺角闹市卖旗筹款,虽然正值中午烈日当空,但他暴晒一个钟依然笑容十足,还边卖旗边与市民合照,现场有如小型粉丝叙会,非常热闹!他笑说:「我希望传递开心,每日都会同喺街上遇到嘅人笑一笑,如果有眼神接触,我仲会讲声 hello,如果大家觉得我傻或者烚熟嘅,咁你咪当我烚熟囉!至紧要大家开心,如果大家觉得咁做系可行嘅,都可以照做!」

讲到十月底举行演唱会,他表示正如火如荼筹备中:「演唱会将横跨我正日生日,当晚我已请咗我最爱嘅女神周慧敏做我嘉宾,另外亦会请我好欣赏嘅年青歌手,好似钊峰、余香凝等出席。」

莫少聪囡囡日本滑冰赛夺金牌

艺人莫少聪近年去咗内地发展都好少喺香港见到佢,呢日喺微博罕有地发放咗同囡囡莫芷嫣嘅相片,现年七岁嘅囡囡遗传晒爸爸嘅优点,眼大大五官标致,身高仲已经去到爸爸心口,佢话啱啱囡囡开学,回想暑假嘅时光,个个小朋友都喺度玩嘅时候,囡囡就要不停练习花样滑冰,期间仲去咗唔同嘅地方参加比赛,好似有日本、青岛同内蒙古等,最终莫芷嫣成功夺得一金两铜嘅佳绩,认真叻猪!莫少聪留言话:「我一直相信,只要仔努力一定会有收获,咱们互励互勉,继续加油。」唔少网民都大赞莫芷嫣好有天分,相信佢大个一定可以代表国家出赛。

演唱会延期许靖韵崩溃洪卓立唔气馁

歌手许靖韵(Angela)和洪卓立(Ken)原定分别于本月 17 及 18 日各自举行演唱会,但主办单位表示考虑到观众往返演唱会场地的交通可能会有不确定因素,二人均于社交网上载演唱会延期公告。

Ken 受访时被问到演唱会延期到何时?他表示会同主办方会继续沟通:「因为我哋只系演出方,当然我哋好希望搵到一个适合嘅场地同档期再开番。」又指其演唱会早已准备就绪:「都筹备咗一段长时间、所有嘢都准备好晒,依家要延期,会有少少失望,但最重要系嚟睇嘅每一位观众开心,但基于主办单位唔同嘅考虑,我哋都尊重主办单位。」但他不会因延期而气馁:「当然会继续 keep 住做运动同练歌,唔单止系因为演唱会,亦都系对平时嘅演出会有帮助,希望每次都用最好嘅状态同大家再次见面。」

而 Angela 指得知延期时有崩溃的感觉:「其实由昨晚知道呢个消息之后,一路都唔开心,因为第二次乐队彩排、连舞都排好晒,同埋都准备咗好多个月。」问到何时再开骚?她就话:「补场要再等公司倾,场地、时间都要再度过。」又指这个骚下了大量心血及时间,现改期感可惜,但考虑到交通问题,也觉得此决定也好的。

自曝伤后肥咗一磅任达华:好多喇!

影帝任达华上月 20 日在中山遇袭,日前他已极速复工到广州出席活动,但就获安排数十名保安人员全方位护驾,今日他到九龙湾出席「万希泉 x《小 Q》视障人士爱心场」,是他受伤后首次在港出席公开活动,今次有两个保安跟身。

右手仍戴上托手保护器的任达华表现从容,主动走向赞助商及嘉宾堆中寒暄,他在台上说:「出事之后,朋友对我问候,令我好窝心,太太同个女为咗照顾我都瘦咗好多,阿女有整甜品畀我,我又收到法国影迷讯息,安吉丽娜朱莉都有 Message 问候我,世界充满爱!」

其后任达华接受记者访问,由身旁的经理人负责拎咪,任达华表示一直有覆诊:「点都要做半年至九个月,至于右手手托至少要八星期至除得低,依家未好返!至少八星期未可以运动,但我太喜欢套戏,所以要出席宣传!(太太同个女瘦咗?)系呀!佢哋挂住煮嘢畀我食,好多滋润,反而我肥咗。(你肥咗几多?)1 磅几!对我嚟讲好多喇!」

讲到获曾合作的安吉丽娜朱莉问候,他直言相当开心:「佢系我女神!我都有覆佢多谢关心,仲有法国、欧洲影迷都有讯息我!我仲要多谢医护人员同杨生(英皇老板杨受成)支援。(你几时复工再拍戏?)最好做返运动先,要最佳状态先再拍,电影公司都应该明,依家尽量陪家人,以前实在太忙喇!会同阿女出埠,去边就等个女通知我,咁如果短广告拍 1、2 日都得。(只系拍大头?)又唔得,唔可以咁 hea。」

提到日前到广州出席活动,他表示太太琦琦也感担心,但也赞成他宣传正能量电影,并指之后在大陆工作也会加强保安:「但我唔会因此咁唔走向人群,人与人要接触,要有爱,向前看啦!我系正能量嘅人。(咁点解今日冇加强保安?)香港吖嘛,同埋有你哋(记者)陪我。」

圈中姐妹组队撑容祖儿

容祖儿红馆演唱会引起全城哄动,个个都争住睇,变相成为朋友间 Reunion 活动之一,就连圈中唔少姐妹团都组队睇骚,今次就有胡说八道会、赵希洛同王君馨、锺舒漫、锺舒祺等,两 Pair 人成班姐妹咁啱都去咗睇寻晚(14 日)个骚,李施嬅仲趁机同任表演嘉宾嘅 Tim@Dear Jane 重逢,开心到呢!

胡说八道会成员李施嬅、胡杏儿、胡蓓蔚、黄智雯加埋赵希洛就五人成团,之后佢哋去到后台竟然唔系同主角容祖儿合照,而系同 Tim 揽实 Selfie,原来李施嬅同 Tim 曾一齐读训练班,入行第一年又同 Tim 一齐做 TVB 明珠大使,佢又大赞对方唱歌进步咗,不过讲嘢就仲系一旧旧。而另一姐妹团就有王君馨、锺舒漫、锺舒祺,佢哋 High 爆跟住一齐大合唱,又跳晒舞咁,睇得非常尽兴!

往期内容

↓↓↓添加Miss.K 个人号↓↓↓

欢迎勾搭

转载授权微信:lama129

商务 QQ:1900556960

香港娱乐八卦

尽在HKChannel

你在看吗?

以上内容由"HKChannel"上传发布 查看原文

觉得文章不错,微信扫描分享好友

扫码分享