关于ZAKER 融媒体解决方案 合作 加入

江嘉敏桃色纠纷后孖男友疯狂放闪 罗仲谦不让杨怡探班? 钟嘉欣为饼印仔女庆生

HKChannel 09-16

今日快报

妙手生辉!黄翠如墙上画唐诗咏肖像晒功力

上回提到黄翠如撇甩老公萧正楠去咗纽约,同「小四」唐诗咏攻打卡圣地狂 Selfie,顺势嚟个「单身之行」周围玩,今次佢哋就去咗一个商场玩,入面就有一幅可以自由创作嘅环保墙,翠如手痕痕即席作画,竟然妙手生辉徒手就画咗自己同诗咏嘅肖像,真系非常厉害!二人当然立刻同幅作品合照,之后翠如甫上网同大家分享,仲话唔知佢哋个样可以喺墙上留几耐,诗咏就感性留言话幅画已经在心中,不过转头佢又搞笑嗌翠如记得 Send 番张相畀佢。

而诗咏就继续上载二人再次去到打卡位 Vessel,着晒「情侣装」咁继续自拍,仲自夸二人 Selfie 技术愈来愈纯熟添。

自爆冇咗个男友薛家燕:可能争咗啲嘢!

艺人薛家燕日前出席儿童音乐剧的慈善场,她突爆冇咗个男友。谈到中秋节,家燕称跟家人食饭庆祝,问到男友有否出席?她坦言:「冇。(同佢冇得团圆?)系。因为冇咗个男友。(点解?)唔知道,迟啲先讲。」家燕透露原本男友约了她今晚食饭,但她很想支持小朋友,加上是慈善场,所以就退却饭局:「佢会问我究竟边个重要啲。(你哋闹交?)我哋冇闹交,系讲道理,有意见分歧。寻晚个月亮好似细咗啲,可能争咗啲嘢。(你有弦外之音?)等佢谂吓先。」

另外,家燕自言很多小朋友见到她都会特别开心及精灵,相信今晚的演出会很精彩,希望大家在中秋假期有个快乐的气氛,她又指昨日在酒楼跟家人晚饭时,甫入到酒楼受到其他客人热烈欢迎,笑言似足自己摆大寿:「我仲带咗啲古老灯笼去食饭,啲灯笼系我之前去老人院派月饼,老人家整嚟送畀我,出面买唔到,我带去食饭同姐妹一齐影相怀旧吓!中秋最紧要系大家开心团圆。」

同张曦雯演情侣罗仲谦唔畀杨怡探班?

艺人罗仲谦与张曦雯(Kelly)为剧集《木棘证人》拍外景,两人在剧中饰演情侣,剧情讲述罗仲谦激嬲 Kelly 再凼回对方,两人言归于好后拖手仔。Kelly 透露她在剧中饰演律师,虽然没有上庭的戏份,但经常要讲道理及闹人:「同我平时好唔同,所以我都要谂吓点样闹人闹得可爱啲,要平衡番。」

两人今次首度合作,罗仲谦笑指之前被 Kelly 的酷样吓亲,但看过她在节目《3 日 2 夜》的表现,就知道 Kelly 性格乐观及很健谈,大家开工时经常开玩笑。问到太太杨怡可会来探班?对太太爱锡有加的他说:「我想佢留喺屋企,依家天气咁热,唔想佢咁辛苦嚟外景探班,开厂嘅话又好夜。」

Kelly 自认是罗仲谦太太杨怡的粉丝,恨与对方合作,但又担心压力大。罗仲谦闻言笑谓:「我都想同佢合作,我都好大压力,不过唔好做情侣,大家畀我抖吓,演敌对都可以。」

饼印仔女庆生日钟嘉欣冧猪揽实唔放手

钟嘉欣 2016 年诞下爱女梁爱晨(Kelly),旧年 9 月就生咗细仔 Jared Anthony Leung,凑够一个好字劲幸福!唔经唔觉,又到咗一对仔女嘅生日,不嬲爱仔女如命嘅嘉欣当然尽心尽力搞个大 Party 贺佢哋生日啦,今年佢就以蓝白色做主题,无论三个人嘅衣着、蛋糕、去到枱布都系蓝白色,衬到绝一绝~!去到切蛋糕环节,嘉欣就揽到 3 岁嘅 Kelly 实,两母女 Sweet 爆头贴头,笑容满面,而 Jared 就仲好细,似乎未知发生咩事,不过佢个呆样依然 Cute 到晕,妈咪仲帮佢戴咗顶粉红生日帽,场面又温馨又甜蜜!

嘉欣都忍唔住喺社交网留言同甫相,同网友齐齐分享开心时刻:「Summer is over . Welcome Fall! This summer was full of amazing, wonderful, good quality-time memories. I love you Kelly and Jared. You guys grow up so fast. Mommy and daddy will always love you forever. Happy birthday!!! (夏天完结,迎接初秋。今年夏天充满美好回忆。我爱你 Kelly 同 Jared。你哋大得好快。爸爸妈妈会永远爱你哋。生日快乐!)」

情不变!江嘉敏孖男友疯狂放闪

无线小花江嘉敏早前卷入桃色纠纷(←点击蓝色字回顾),被指搭上男友 Anthony 的好朋友 X 先生,不但有深情对话流出,X 先生又大数江嘉敏贪婪。事后江嘉敏火速喺社交网发文反击,公开有关对话截图以正视听,更开名怒骂爆料者。而事件未有影响佢同 Anthony 嘅感情,呢日 Anthony 喺社交网大晒二人嘅背面合照,见佢哋喺山上欣赏夕阳,仲揽到实一实相当甜蜜,Anthony 更以容祖儿歌曲《续集》嘅歌词凭歌寄意,指:「只妄想跟你去避世,风再急可捉紧你手」,以行动力证情不变。

往期内容

↓↓↓添加Miss.K 个人号↓↓↓

欢迎勾搭

转载授权微信:lama129

商务 QQ:1900556960

香港娱乐八卦

尽在HKChannel

你在看吗?

以上内容由"HKChannel"上传发布 查看原文
相关标签 慈善

相关阅读

最新评论

没有更多评论了

觉得文章不错,微信扫描分享好友

扫码分享